Мы паведамлялі ўжо, што марафон чысціні – Хочацца адразу сказаць, што многія гараджане адзначылі чысціню і парадак, якія былі наведзены падчас суботніка, – зазначыла начальнік аддзела архітэктуры і будаўніцтва і жыллёва-камунальнай гаспадаркі райвыканкама Надзея Крышталь. – Па вуліцы Савецкай работнікі камунальнай гаспадаркі займаліся пабелкай бардзюраў і ўладкаваннем газонаў, працягвалася фармоўка дрэў, убіралася дваровая тэрыторыя па вуліцы Маскоўскай, а ўздоўж гэтай вуліцы вялося абрашэчванне саджанцаў дрэў. Пагадзіцеся, што прыгожа сталі выглядаць і пафарбаваныя пешаходныя пераходы. Пабелка дрэў вялася па вуліцы Армейскай. Уздоўж дарогі Р-19 па вуліцы Чарняхоўскага выграбаліся ад мінулагодняга лісця канавы, працягваліся работы па ачыстцы ракі Курнееўка, а па яе берагах убіраліся аварыйныя дрэвы, зараснікі, галіны дрэў. Падчас суботніка наведзены парадак на базе водаканала. Калектывам рэдакцыі раённай газеты высаджаны 50 саджанцаў бярозы. Да месца адзначыць, што правядзенне суботнікаў запланавана і на наступныя тры суботы.
Планы мерапрыемстваў па навядзенні чысціні і парадку зацверджаны і ва ўсіх сельвыканкамах. Асаблівая ўвага тут удзяляецца помнікам і абеліскам, якія размешчаны на тэрыторыях населеных пунктаў, а таксама рабоце з зямельнымі ўчасткамі і пустуючымі дамамі. У прыватнасці, у мінулую суботу ў Ігрушкаўскім сельсавеце работы па добраўпарадкаванні вяліся ў аграгарадках Стараселле і Ігрушка, у пасёлку Лянок, вёсках Каменка, Ваўкавыск і Радзіца. Акрамя работнікаў сельвыканкама і мясцовых жыхароў, удзел у суботніку прынялі Крупскае ПМС, філіял «Крупскае УМГ», Ігрушкаўская СШ, прадстаўнікі ААТ «МайскаеАгра» і «Старасельскае».
Ва Ухвальскім сельсавеце наводзіўся санітарны парадак на тэрыторыях, якія прылягаюць да дзіцячага сада і былога магазіна па вуліцы Леніна аграгарадка Ухвала, у вёсцы Новыя Дзянісавічы, на ААТ «Туршоўка». Добраўпарадкавана тэрыторыя да помніка ў вёсцы Бярозка. Пасадку лесу ў гэты дзень вялі работнікі Гумнаўскага, Дзянісавіцкага, Выдрыцкага, Стараслабодскага і Ухвальскага лясніцтваў.
Наогул, уборкай смецця ўздоўж дарог і на пустуючых участках, абсталяваннем кантэйнерных пляцовак, добраўпарадкаваннем тэрыторый, рамонтам агароджаў на грамадзянскіх могілках і іншымі работамі былі заняты ў Крупскім, Хацюхоўскім, Бобрскім, Халопеніцкім і Акцябрскім сельсаветах.
