У філіял Транспартнай інспекцыі па горадзе Мінску і Мінскай вобласці за пяць месяцаў 2020 года паступілі 203 скаргі і заявы аб адміністрацыйных парушэннях на работу вадзіцеляў аўтамабіляў-таксі. Для параўнання: за ўвесь 2019 год у філіял паступілі 60 скаргаў і зваротаў.Найбольшая колькасць парушэнняў як па ўнутраным, так і знешнім афармленні аўтамабіляў-таксі, пачынаючы ад візітных картак вадзіцеля і заканчваючы плафонамі і жоўтымі палосамі па бакавых паверхнях шырынёй не менш як 20 см (адказнасць па артыкулу КаАП 18.14 частка 5 – штраф ад 0,5 да 4 базавых велічынь). Аштрафавана 198 чалавек на суму 2 737 рублёў.
Далей ідуць звароты на адказ у выдачы квіткоў пасля заканчэння паездкі за наяўны разлік, правоз пасажыраў без таксометра ці без яго ўключэння (прадугледжана адміністрацыйная адказнасць па артыкулу 18.33 КаАП – штраф ад 2 да 5 базавых велічынь). За 2020 год аштрафавана 145 чалавек на суму 7 938 рублёў.
Адсутнасць у аўтамабіляў-таксі дзяржаўнага тэхнічнага агляду, які трэба праходзіць адзін раз у 6 месяцаў (прадугледжана адказнасць па артыкулу 18.24 КаАП – штраф ад 4 да 6 базавых велічынь), аштрафавана 112 чалавек на суму 12 285 рублёў.
Адсутнасць у перавозчыкаў таксі страхоўкі грамадзянскай адказнасці перавозчыка перад пасажырамі (адказнасць для індывідуальнага прадпрымальніка па артыкулу 11.65 КаАП – штраф ад 2 да 150 базавых велічынь; на юрыдычную асобу – ад 10 да 300 базавых велічынь), неабгрунтаваныя адмовы ў перавозцы пасажыраў. За 2020 год аштрафавана 100 чалавек на суму 21 870 рублёў.
Працягваюць мець месца выпадкі правозу пасажыраў па завышаным тарыфе і грубасць у адносінах да пасажыраў таксі. Скаргі ідуць штодня, і ў адной заяве прысутнічаюць парушэнні па чатырох артыкулах Кодэкса аб адміністрацыйных парушэннях. Па ўсіх фактах, якія выкладзены ў зваротах, былі праведзены праверкі. Пры выяўленні парушэнняў вінаватыя прыцягваліся да адміністрацыйнай адказнасці. Адказы заяўнікам, а таксама паведамленні і перанакіраванні ў выпадку, калі пытанні, выкладзеныя ў звароце, не адносяцца да кампетэнцыі Транспартнай інспекцыі, даюцца згодна з Законам Рэспублікі Беларусь «Аб зваротах грамадзян і юрыдычных асоб».
Алег ЯКШЭВІЧ, намеснік начальніка філіяла Транспартнай інспекцыі па горадзе Мінску і Мінскай вобласці.
