На сельскагаспадарчым кірмашы па даступных цэнах набываліся бульба, збожжа, морква, кармавыя буракі. Актыўны ўдзел у кірмашах прымаюць ААТ “МайскаеАгра” і “Крупскі райаграсервіс”, сельгасфіліял “Шчаўры” ААТ “Здравушка-мілк”, якія прадавалі збожжа, ААТ “Халопенічы” – яно прапаноўвала бульбу, а таксама фермерскія гаспадаркі: “ДзісавіАгра” і “Ункамбел”. З машыны першай з іх можна было набыць цыбулю, бульбу, моркву, сталовыя буракі, а з другой – бульбу. Адкрытае акцыянернае таварыства “Кляновічы”, як і ў папярэднія разы, прывезла самую разнастайную прадукцыю з курэй. Не праходзілі пакупнікі і міма прылаўка раённага спажывецкага таварыства і палаткі грамхарчу. Акрамя рознай агародніны, прыцягвалі да сябе вінаград, яблыкі, кавуны, а таксама пірагі з павідлам, булкі з макам, піражкі, беляшы...
Варта адзначыць, што выбар быў шырокім, і крупчане засталіся задаволенымі прадстаўленай прадукцыяй і зробленымі пакупкамі. Вельмі дарэчы была дапамога валанцёраў, арганізаваная раённым камітэтам ГА “БРСМ”, па дастаўцы сельгаспадукцыі ветэранам і пажылым людзям. Ужо цяпер відавочна, што з кожным прыездам сельгасарганізацый вывучаецца пакупіцкі попыт і расшыраецца асартымент прывозімай прадукцыі.
Фота Вольгі БАРАВУЛІ.
Крупская ЦРБ информирует о возможности получить консультацию врача общей практики на базе УЗ «Крупская ЦРБ» 27 ноября. 
