Сёння ДУП «ПМК № 196» – самая буйная ў раёне генпадрадная арганізацыя, якая ажыццяўляе ўвесь комплекс будаўнічых работ: ад закладкі фундамента да здачы аб’екта пад ключ.У калектыве працуюць 94 чалавекі. На аб’ектах шчыруюць 5 будаўнічых брыгад: тры комплексныя і 2 спецыялізаваныя – усяго 55 чалавек. Касцяк будаўнічай арганізацыі – брыгады муляраў і тынкоўшчыкаў. Напярэдадні прафесійнага свята будаўнікоў мы завіталі да тынкоўшчыкаў, якія заняты аддзелачнымі работамі 50-кватэрнага жылога дома сацыяльна-камерцыйнага прызначэння ў г. Крупкі.
– Пагадзіцеся, прафесія будаўніка заўсёды карысталася павагай у людзей. Яна ганаровая, запатрабаваная, але ў той жа час і складаная, – гаварыла старшы майстар Элеанора Зуева, калі мы ўзнімаліся на чацвёрты паверх дома да тынкоўшчыка Андрэя Каралюка. – І нашы рабочыя належным чынам выконваюць сваю ганаровую місію – вядуць будаўніцтва якасна і надзейна. Вы зараз самі пераканаецеся ў справядлівасці маіх слоў.
І сапраўды, перш, чым сустрэцца з Андрэем, мы пагутарылі з брыгадзірам брыгады тынкоўшчыкаў Галінай Амбросавай, якая працуе ў ПМК ужо 36 гадоў. Галіна Паўлаўна расказала, што з пачатку года працавалі па прамых дагаворах – рамантавалі школы, іншыя аб’екты, а ўжо з сакавіка займаюцца аддзелкай кватэр 50-кватэрнага жылога дома.
-- У брыгадзе нас пяць чалавек – Нона Булыга, Андрэй Каралюк, Улад Пратаповіч, Алег Рэут і я, – працягвала Галіна Паўлаўна. – Большасць – вопытныя работнікі, таму ніякіх прэтэнзій да іх няма, яны з задавальненнем перадаюць свае навыкі маладым. Што датычыць нашага Андрэя, то скажу, што яшчэ будучы ў нас на практыцы, ён паказаў сябе высакакласным спецыялістам. А як прыйшоў ужо на работу, дык з таго часу і знаходзімся ў адной звязцы. Наогул, у брыгадзе ўсе любяць сваю справу і імкнуцца дарыць навасёлам толькі радасць.
– Я добра запомніў свой першы аб’ект, – уступіў у размову Андрэй Каралюк. – Гэта быў дзіцячы сад «Сонейка», што на вуліцы Палявой горада. Мінула 15 гадоў, а калі праходжу каля яго, заўсёды міжволі хочацца зірнуць на гэты прывабны будынак. Нарадзіўся я ў Жабінцы, што ў Брэсцкай вобласці. Калі мне было ўсяго два гады, бацькі пераехалі на Крупшчыну, у Замкі. І вось тут ужо жывем 32 гады. У будаўнікі я пайшоў свядома. Закончыў Каласоўскую сярэднюю школу, паступіў у Барысаўскае прафтэхвучылішча № 62, практыку праходзіў у ПМК. Затым была служба ў арміі, пасля якой зноў вярнуўся ў гэту будаўнічую арганізацыю. Мая прафесія мне падабаецца. Нездарма кажуць: Бог стварыў Зямлю і чалавека, усё астатняе на Зямлі стварылі будаўнікі. Так што наша місія – ствараць!
В понедельник, 1 июля, с 8.00 до 17.00 (перерыв с 13.00 до 14.00) начальником отдела статистики Крупского района КАРЕЦКОЙ Еленой Леонидовной будет проводиться «горячая линия» по вопросу несвоевременной выплаты заработной платы.
