Дзверы ўчастка для галасавання № 37, які размяшчаецца ў будынку Крупскага сельскага выканаўчага камітэта, расчыніліся 2 лістапада ў 17 гадзін. Менавіта з гэтага дня ўстаноўлена дзяжурства членаў камісіі і кожны з выбаршчыкаў можа наведаць участак. І, дарэчы, чарговага наведвальніка нам і давялося пабачыць у першыя лістападаўскія дні.Аб тым, што 17 лістапада пройдуць выбары ў Палату прадстаўнікоў Нацыянальнага сходу Рэспублікі Беларусь сёмага склікання, паведамляе плакат, змешчаны на самім будынку сельвыканкама. Побач – інфармацыйныя матэрыялы аб прэтэндэнтах на месца ў парламенце. У памяшканні для галасавання на стэндзе «Куток выбаршчыка» змешчана ўся неабходная інфармацыя, якая датычыць выбараў. Тут можна азнаёміцца са спісам членаў участковай выбарчай камісіі, графікам яе работы, планам арганізацыйных мерапрыемстваў.
Старшыня ўчастковай выбарчай камісіі Таццяна Рабчынская расказала, што ў склад камісіі ўваходзіць 11 чалавек:
– Па аднаму прадстаўніку ад раённых арганізацый грамадскага аб’яднання «Беларускі саюз жанчын» і Рэспубліканскага грамадскага аб’яднання «Белая Русь», Беларускага прафесійнага саюза работнікаў адукацыі і навукі, грамадскага аб’яднання «Беларускі рэспубліканскі саюз моладзі» і сем чалавек вылучаны ад грамадзян шляхам падачы заявы. Зазначу, што ўсе яны вопытныя, адказныя, кампетэнтныя. Мой намеснік – Наталля Шыла, а сакратар – Ірына Ладоўская. Камісія вельмі ўважліва папрацавала над удакладненнем спісаў, таму, упэўнена, ніякіх накладак не павінна быць.
Далей Таццяна Рабчынская паведаміла, што ў галасаванні павінны прыняць удзел 847 выбаршчыкаў з 12-ці населеных пунктаў. Шасцёра будуць галасаваць упершыню. Гэта – Аляксей Даўгалёў, Мікалай Кішыла, Яна Цітавец, Леанід Пардонаў, Таццяна Барауля і Вадзім Рабаў.
Да нашай размовы далучылася сакратар участковай выбарчай камісіі Ірына Ладоўская:
– Ёсць у нас трафарэты, з дапамогай якіх людзі, якія дрэнна бачаць, змогуць прагаласаваць самастойна. Наогул, для галасавання ўсё гатова: урны, сталы, сейфы, кабіны, указальнікі, як прайсці ў залу для галасавання. Зарэгістраваны і назіральнікі ад раённай арганізацыі РГА «Белая Русь», раённай арганізацыі ГА «Беларускі саюз жанчын» і раённай прафсаюзнай арганізацыі работнікаў аграпрамысловага комплексу. За імі таксама замацаваны стол з адпаведнай шыльдай.
Па ўсім бачна, што члены ўчастковай выбарчай камісіі гатовы даць выбаршчыкам кансультацыю і вычарпальны адказ на любое пытанне. А яшчэ падчас правядзення выбараў плануюць стварыць урачыстую атмасферу, якая адпавядала б гэтай важнай палітычнай падзеі.
Крупская ЦРБ информирует о возможности получить консультацию врача общей практики на базе УЗ «Крупская ЦРБ» 27 ноября. 
