У самым разгары пара водпускаў, а значыць, і выхадаў на прыроду – у лясы, да рэк і азёр – становіцца больш. Прапарцыянальна павялічваецца і колькасць смецця, якое застаецца пасля адпачываючых. Каб гэтага не адбывалася, не забывайце падчас чарговага пікніка ці паходу захапіць з сабой пакеты для смецця і ачысціць месца свайго прабывання.У раёне, як і па ўсёй краіне, на працягу года праходзяць самыя разнастайныя акцыі і працоўныя дэсанты – «Мы за чысціню», «Зробім разам», «Чысты вадаём», «Ачысцім Зямлю ад смецця» і іншыя. Удзел у іх прымаюць калектывы арганізацый і прадпрыемстваў, вучні школ раёна, прадстаўнікі грамадскіх арганізацый. Усе стараюцца падтрымліваць у чысціні не толькі свае ўстановы, дзе працуюць альбо вучацца, але і прыбярэжныя тэрыторыі, паркі, вуліцы, двары.
Па пытаннях навядзення парадку на зямлі і добраўпарадкавання тэрыторый населеных пунктаў раённая інспекцыя прыродных рэсурсаў і аховы навакольнага асяроддзя рэгулярна праводзіць кантрольна-аналітычныя мерапрыемствы.
– У ходзе такіх мерапрыемстваў выяўляюцца парушэнні прыродаахоўнага заканадаўства, – адзначыла галоўны спецыяліст раённай інспекцыі Ніна Красько. – За першае паўгоддзе выяўлена 224 парушэнні, выдадзена 107 прадпісанняў (рэкамендацый) аб іх ухіленні, складзена 26 пратаколаў на суму 8 тыс. 721 руб.
Давайце не забываць аб неабходнасці ўборкі пасля сябе. Не будзем чакаць, што за нас парадак навядуць іншыя. Будзем любіць свой родны горад або вёску і клапаціцца аб іх!
Во вторник, 8 июля, с 9.00 до 10.00 состоится прямая телефонная линия с главным врачом УЗ «Крупская ЦРБ» ЛЕОНОВИЧ Екатериной Михайловной. 
