Аб тым, што 11 верасня пройдуць выбары ў Палату прадстаўнікоў Нацыянальнага сходу Рэспублікі Беларусь шостага склікання, паведамляе плакат, змешчаны на самім будынку сельвыканкама. Побач – інфармацыйныя матэрыялы аб кожным з прэтэндэнтаў на месца ў парламенце.У памяшканні для галасавання на стэндзе «Куток выбаршчыка» змешчана ўся неабходная інфармацыя, якая датычыць выбараў. Тут можна азнаёміцца са спісам членаў участковай выбарчай камісіі, графікам яе работы, планам арганізацыйных мерапрыемстваў.
Старшыня ўчастковай выбарчай камісіі Валянціна Раздорскіх расказала, што ў склад камісіі ўваходзіць 9 чалавек:
– Па аднаму прадстаўніку ад раённых арганізацый грамадскага аб’яднання «Беларускі саюз жанчын», Беларускага прафесійнага саюза работнікаў дзяржаўных і іншых устаноў, Рэспубліканскага грамадскага аб’яднання «Белая Русь», раённай арганізацыі ветэранаў Беларускага грамадскага аб’яднання ветэранаў і пяць чалавек вылучаны ад грамадзян шляхам падачы заявы. І, зазначу, што ўсе яны вопытныя, адказныя, кампетэнтныя. Маім намеснікам з’яўляецца Анатоль Каспяровіч, а сакратаром – Галіна Невядомская. Камісія вельмі ўважліва папрацавала над удакладненнем спісаў, таму, упэўнена, ніякіх накладак не павінна быць.
Далей Валянціна Раздорскіх паведаміла, што ў галасаванні павінны прыняць удзел 857 выбаршчыкаў з гарадскога пасёлка Бобр, а гэта жыхары 20 вуліц і 4-х завулкаў. Сямёра будуць галасаваць упершыню. Гэта – Вікторыя Ракавец, Ягор Батукоў, Канстанцін Шарапаў, Яўген Белы, Наталля Іўлева, Канстанцін Марозаў і Леанід Булахаў. На ўчастак для галасавання прыйдзе і ўдзельнік Вялікай Айчыннай вайны, Заслужаны настаўнік БССР Аляксандра Фамінічна Марозава.
Да нашай размовы далучылася сакратар участковай выбарчай камісіі Галіна Невядомская:
– Падрыхтавалі мы і запрашэнні выбаршчыкам, якія будуць уручаны ім за 10 дзён да выбараў. Ёсць у нас трафарэты, з дапамогай якіх невідушчыя людзі змогуць прагаласаваць самастойна. Наогул, для галасавання створаны ўсе ўмовы: падрыхтаваны ўрны, сталы, сейфы, кабіны, указальнікі, як прайсці ў залу для галасавання. Зарэгістраваны ўжо і 5 назіральнікаў: ад групы выбаршчыкаў, ад раённай арганізацыі ГА «Белая Русь», ад раённай прафсаюзнай арганізацыі работнікаў аграпрамысловага комплексу і ад раённай арганізацыі ГА «БРСМ». За імі замацаваны стол з адпаведнай шыльдай.
Па ўсім бачна, што ўсе члены ўчастковай выбарчай камісіі гатовы даць выбаршчыкам кансультацыю і вычарпальны адказ на любое іх пытанне. А яшчэ імкнуцца зрабіць так, каб падчас выбараў была ўрачыстая атмасфера, якая адпавядала б гэтай важнай палітычнай падзеі.
В среду, 9 октября, с 11.00 до 12.00 по телефону 2-72-41 прямую телефонную линию проведет председатель Крупского районного исполнительного комитета КОЗЕЛ Анатолий Станиславович.
