Сажалка Слабада, якая знаходзіцца ў Халопеніцкім сельсавеце, ужо некалькі гадоў арандуецца адкрытым акцыянерным таварыствам «Халопенічы». І кіраўніцтва гаспадаркі заўсёды імкнуцца дастаўляць радасць рыбакам – амаль штогод вадаём зарыбляецца ў асноўным сяголеткам карпа.Вось і на гэты раз у адзін з дзён красавіка, нам давялося назіраць за гэтай цікавай дзеяй. І хаця надвор’е, асабліва на адкрытым месцы прама ля вадаёма, было зусім не красавіцкім, зарыбленне ўсёроўна выклікала непадробны інтарэс.
У аўтамашыне стаялі шэсць пластмасавых бочак, запоўненых карпамі, і па чарзе адна за адной па спецыяльным прыстасаванні яны скатваліся адразу на бераг. Затым адказныя за сажалку, а гэта Пётр Казак і Аляксандр Жылінскі, накіроўвалі іх у вадаём і выпускалі рыбу, як кажуць, у сваю стыхію – ваду. З вялікімі яе асобінамі жадаючыя з задавальненнем фатаграфаваліся.
Сапраўдныя рыбаловы-аматары ўяўлялі, якім ён будзе сённяшні 400-600-грамовы карп праз пару гадоў, на якую нажыўку яго лавіць, чым падкармліваць. Разам з адказнымі за вадаём мы нагадалі, што зарыбленне сажалкі праходзіла роўна тры гады таму. І адзін з іх у мабільным тэлефоне паказаў фотаздымак карпа, запушчанага ў красавіку 2014 года і злоўленага ўвосень мінулага года. Яго вага аказалася – 6 кілаграмаў 600 грамаў! Будзем спадзявацца, што і гэтыя асобіны вырастуць да такіх жа памераў.
Да месца адзначыць, не так даўно было выпушчана 30 кілаграмаў малькоў карпа ў гэты вадаём, а таксама ў вадаём, што знаходзіцца ля жывёлагадоўчай фермы «Стары Бобр». І яшчэ. Гэты карп быў закуплены ў рыбгасе «Волма» Чэрвеньскага раёна. І цяпер аматарская рыбная лоўля на сажалцы Слабада будзе зноў платнай. Кошт разавай рыбалкі – 4 рублі.
В среду, 9 октября, с 11.00 до 12.00 по телефону 2-72-41 прямую телефонную линию проведет председатель Крупского районного исполнительного комитета КОЗЕЛ Анатолий Станиславович.
